– Mu mielas lea hui somá ahte nu olusat leat leamašan veahkkin ja čorgen eret dálvvi ja muđui ribaid mat leat čoahkkanan. Lea dehálaš ahte lea fiinnis ja čorgat birrasis, lohka Chruickshank neahttaáviisii. Campingsajis lea geasserábas 1.beaivvi geassemánus gitta 15.beaivai čakčamánnui juohke jagi. Sii fállet luomu jaskes birrasis gos lea sihke čáppa luondu ja vejolaš oaggut.

Bures lihkostuvvan

Kaféa mii lea gullevaš campingsadjái lea hui bivnnut, sihke gussiide ja ássiide Siellagis. Cruickshank muitala ahte lea bures lihkostuvvan boradanbáikin. – Lea somá ahte ássit Siellagis ja muđui guossit geavahit daid fálaldagaid mat leat min suohkanis ja sotnabeaivve 2.beaivve geassemánus mii guossohit sáltebierggu, dahje saltkjøtt gaskabeaivin. Lea olu mii boahtá dahpahuvvat Elvelund Campingas ovddas guvlui. Tor-Arne lea jurddašan hukset 9 barta iežas gussiide. – Lea leamaš stuora jearaldat láigohit barttaid, ja go mis eai leat eará go guokte barta maid láigohit de doaivut ahte dát sáhttá doaibmat hui bures. Lea guhkes geaidnu dasa leat geargan muhto mii oaidnit ahte dárbu lea das, son loahpaha.