Salangen-Nyheter

Nuorra dávgebáhčči:

Vuolgá World Cuppii

Kristoffer Nikolaisen bahča Tinden Bueskyttersearvvi ovddas ja dán geasi son galgá World Cupai riikajoavku ovddas.

EVENÁŠŠI: Kristoffer Nikolaisen lea Evenášis eret ja dán geasi son lea oassálastime dávgebáhčin gilvvuin Romanias, Bucceresti gávpogis. 

Salangen-Nyheter
Nye Salangen-Nyheter AS

Publisert:

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse

Evenášis son lea eret ja bahča Tinden Bueskyttersearvvi ovddas, mii vuođđuduvvui 1994. Kristoffer lea fargga 16 jagi boaris, muhto lea jo vuoitán olu. Son lea vuoitán nu olu ahte lea válljejuvvon Norges Bueskytterlihttus ovddastit sin Romanias  World Cupas. Dán sii barget movttiidahttiid nuorra dávgebáhččiid joatkit ja bidjat olu návccaid vai sii šadde nu buorit ahte sii sáhttit internašunála gilvvuin oassálastit.

Čuovvu niegu

Kristoffer čuovvu iežas niegu. – Dát lea juoga maid mun máhtan ja juoga mainna mun háliidan bargat viidásit. Mus lea sierra hárjeheaddji ja lean ieš maid bidjan olu návccaid ja áiggi hárjehallami, lohka Kristoffer neahttaáviisii. Son maid muitala ahte son lea leamaš kursas go lea leamaš riikajoavku čoakkalmasain, gos lea oahppan movt galgá jurddašit ja fokuseret vai buoremus lágiin lihkostuvvat.

– Kursas mii oahppat movt jurddašit vai mii lihkostuvvat. Mii oahpat jurddašit ahte mun barggan dán iežan dihti ja ahte biddját sierra mihttuid, Kristoffer muitala áŋgirit.

Eai stuora vuordámušat

Geasset lea Kristoffer johttáme olgoriikii. Son galgá ovddidit riikajoavku, muhto sus eai leat nu beare stuora vuordámušat gal. – In jáhke gal ahte boahtá mannat nu beare bures gilvvuin Romanias go doppe lea állá dássi. Sii geat leat ovdamearkadihti Frankriikkas dahje Italias eret leat hui buorit báhččit. Mu bealis lea eanaš vásáhusa dihti ja maiddai beassat internašunála dásis báhčit. Mu mielas lea dát hui somá ja juoga maid áinnas ávžžuhan earáid maid geahččalit, loahpaha Kristoffer.