Salangen-Nyheter

Ávvudit Beatles-joavku

VUOTNASIIDA: Siellaga Musihkkariidsearvi leat máŋgii biddján oktii olles konsearta dušše ovtta dovddus artistii dahje jovkui, ja dát lea bures lihkostuvvan.

Salangen-Nyheter
Nye Salangen-Nyheter AS

Publisert:

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse

– Lea guhka leamaš hupmu ahte háliidivččiimet rahkadit konsearta ávvudandihti Beatles-joavku ja dál orro dát ollašuvvame, muitala Karl-Kristian Kleppe, láidesteaddji Siellaga Musihkkariidsearvvis. Máŋga searvvi miellahtuin lea buorre dovdu Beatles-musihkkii ja leat čuojahan dan ovdal, ja leat maid olusat searvvis geat leat nu gohčoduvvon Beatles-fansat. Dán dihte lei lunddolaš ahte dán jagaš temá konsertii šattai Beatles go dál lea 50 jágii áigi go almmuhedje vuosttaš skearru. Siellaga Musihkkariidsearvi leat garrasit hárjehallan ja bargan čavčča miehta ráhkkanandihtte- konsertii. Siellaga Musihkkariidsearvvis leat dál 26 čeahpes musihkkarat mielde. Dasa lassin sis leat mielde báikkálaš artistat ja čuojaheaddjit dán konsertii ja sii bohtet leahkit mielde dagaheame ahte konsearta šaddá earenoamáš vásáhus. Dát mearkkaša ahte leat badjel 30 olbmo geat oassálastet konsertii.

Konseartat lágiduvvot Siellaga kulturviesus 15. ja 16.beaivve ja álgá diibmu gávccis eahkes. Lea maid biddjon nu ahte vuosttaš eahkeda lea eambbo bearrašiidda jurddašuvvon ja lávvordaga ges ollesolbmuide. Manaide vuollel 12 jágii lea nuvttá, nuoraide gaskkal 13 ja 18 jágii lea 100 ruvnno bileahtas ja ollesolbmuide ges 200 ruvnno.