Salangen-Nyheter

Stuora dáhpáhusat Isogaisa- festiválas:

- Šaddá magihkalaš!

Dá diimmáš festiválas. Ronald Kvernmo savvá ahte maiddai dán jagi bohtet olu olbmot. VUORGAGOVVA: JON HENRIK LARSEN

LOABÁT: 1.beaivve čakčamánus álgá dán jagaš Isogaisa- festivála Loabága suohkanis, Fjellkystenis. Maiddai dán jagi sis leat earet eará sihke seminárat, kursat ja musihkka. Dát mii dán jagi lea earenoamáš lea ahte dán jagi sis lea vihaheapmi náittosbárras, okta sámi dievdu ja indiána nisson.

Salangen-Nyheter
Nye Salangen-Nyheter AS

Publisert:

ANNONSE
Annonse

Isogaisa lea festivála gos ii leat lohppii navddašit gárrenmirkkuid  ja gos álgoálbmot kultuvra ja spirituálalaš doaimmat leat guovddažis. Doppe leat sihke seminárat, kursat, logaldallamat, čájáhusat ja maiddai musihkka. Ieš alddis festivála lágiduvvo Loabága suohkanis Fjellkysten-nammasaš báikkis. – Isogaisai leat buot lágan olbmot bures boahtin, ja diehttelas maiddai olbmot iešguđetlágan riikkain, lohka Kvernmo. Dán jagaš festivála lágiduvvo 1.beaivve čakčamánus gitta 8.beaivai. – Mii álgit seminárain, kursan ja logaldallamin jo 1.beaivve čakčamánus ja bearjadaga 8.beaivve álgá ieš alddis festivála, lohka Kvernmo.

Guossit Peruas

Dan jagaš Isogaisa- festiválii bohtet earenoamáš guossit gitta Peruas. Leat maŋisboahttit Inka-indiánaid geat bohtet guossái ja sis lea namma Q’ero.  – Dáin olmmoščearddain lea stuora jáhkku ja doaivva árbevirolaš noaiddástallamii, muitala Kvernmo. Son lea ieš deaivan daid olbmuid ja muitala ahte dovddai oktavuođa singuin. Dán jagi lea vuosttaš geardde ahte Q’ero- noaiddit bohtet Isogaisai ja Kvernmo illuda. – Noaiddástallamis leat oasit mat leat seammaláganat miehta máilmmis, muhto juohke kultuvra ovdánahttá ja heiveha sin noaiddástallama nu ahte heive sin eallinvugiide ja lundui, čilge Kvernmo.

Noaideheajat

Lea vuosttaš geardde ahte galgá leahkit vihaheapmi Isogaisa- festivála oktavuođas. Dievdu gii galgá náitalit lea Tore ja sus leat sámi ruohttasat. Nisu ges lea Sabina ja leat ruohttasat Cherokee- indiánaide. Dát galget leahkit noaideheajat. – Earuhus dáin heajain ja dábálaš heajain lea geavaheapmi rumbbuin ja juoigan. Báhppa gii galgá vihahit sudno lea Eirik Myrhaug. Mii eat gal boađe geavahit girkobielluid, muitala Kvernmo. Son maid muitala ahte dát lea stuorámus mii lea dáhpahuvvon Isogaisa historjás. – Mun lean nu ilus ja duođaid illudan dán dáhpáhussii, loahpaha rámis ja ilolaš Ronald Kvernmo.

ANNONSE
Annonse