Digaštallan mii lei skuvlas ovddit vahkku ovdal skuvlaválgga lei mielde áŋgiruššame nuoraid ja lei moddii oalle diggi birra beavddi. Lei buori bárgu mii dahkkui vuoitindihtti nuoraid ja sin jienasteami. Bohtosat čájehit ahte lea Bargiidbellodat gii dán vuoru lea vuoitán skuvlaválgga.

Skuvlas ledje 71,9 % geat jienastedje dán jagaš skuvlaválggas.

                                           

Skuvlaválga 2013

Bargiidbellodat                                              27,80 %

Sosialisttalaš Gurutbellodat                            3,50 %

Guovddášbellodat                                             25 %

Risttalaš álbmotbellodat                                      0 %

Gurutbellodat                                                  7,60 %

Olgešbellodat                                                10,40 %

Ovddádusbellodat                                         12,50 %

RUKSES                                                         3,50 %

Riddobellodat                                                  0,70 %

Piiratbellodat                                                   4,90 %

Birasbellodat                                                   4,20 %

Bb lea eahpitkeahttá vuoitán dán jagaš skuvlaválgga olles 27,8 % jienain. Guovddašbellodat lei justte vuolábealde sin nuppi sajis 25 % jienain. Ovddádusbellodat oaččui 12,5 % jienain ja dainna sii bohte goalmmát sadjái. Njealját sajis lea Olgešbellodat 10,4 % jienain.

Rámida

- Mun háliidan álgit rámiidit oahppit geat leat bargan hui buori bárggu! Sii leat oassalastan gitta álggus lohppii; bidjat bajás lávddi, čuovgga ja jiena gieđahallan. Leat maiddai oahppit geat leat čohkken dieđuid daid iešguđet lágan bellodagaid birra, jođihan digaštallama, čađahan válgga ja lohkkan jienastemiid maŋŋel válgga. Duhát giitu sidjiide, lohka Elisabeth Sørdahl E-boastas maid lea sádden neahttaáviisii.