Salangen-Nyheter

Ruŋgu Gilisearvi ohca ruhtadoarjaga:

Dearvvašvuođa fálaldat

Ii šatta makkárge dearvvašvuođaovddidan fálaldat Ruŋgus jus Sámediggi ii juollut ruđaid, nu movt Aud-Jorun Johnsen Ruŋgu Gilisearvvis evttoha iežas ohcamis. VUORKAGOVVA: JON HENRIK LARSEN

RUŊGU: Dat lea Aud-Jorun Johansen gii lea jođiheaddji gilisearvvis Ruŋgus gii lea sádden ohcama Sámediggái ja Loabága suohkanii. Duogáš ohcamii lea ahte son háliida álggahit dearvvašvuođaovddidan fálaldaga sámegielat ássiide Loabágis.

Salangen-Nyheter
Nye Salangen-Nyheter AS

Publisert:

ANNONSE
Annonse

Dán fálaldagas galgá lášmmohallan leahkit guovddažis juohke váhku, ja maiddai mánnosaš fáddabeaivvit gos eastadanbargu ges lea guovddažis. Dát fálaldat lea jurddašuvvon sámegielat ássiide badjel 50 jágii. – Dát boahtá dagahit ahta šaddá buoret dearvvašvuohta ja čálgu sámegielat ássiide, ja maiddai buorida eallinkvalitehta, lohka Aud-Jorun Johnsen ohcamis. Son maid deattuha ahte dakkár fálaldagas lea leamaš jearru sápmelaččain suohkanis.

Vuordit vástádusa Sámedikkis

Ruŋgu Gilisearvi lea ohcan Sámedikkis 36.000 ruvnno prošektii, ja Loabága suohkanis 18.000. Dasalassin sii ieža bidjet 18.000 ruvnno prošektii. Ollislaččat prošeavttas lea haddi 72.000 ruvnno. Lea jurddašuvvon ahte prošeakta gálggai álggahuvvot 1.beaivve njukčamanus dán jagi ja bistit boahtte jáhkkái seamma dáhtonii. Ášši lea leamaš meannuduvvon sámepolitihkalaš lávdegottis Loabágis ja doppe ii leat ohcan dohkkejuvvon, ekonomalaš ákkaid dihte go sis ii leat ruhttá juohkit. Ášši lei dán vahkus meannudeamis ovddagottis ja sii mearridedje juolludit ruđaid dán ohcamii. Dál lea dušše vuordit maid Sámediggi vástida ohcamii.

ANNONSE
Annonse