Salangen-Nyheter

2-jahkásaš prošeakta:

Háliida dulkabálvalusa

Sámediggeráđđi Ellinor Marita Jåma háliida nationála dulkabálvalusa ja oaivvilda ahte dát lea dehálaš. GOVVA: SAMEDIGGI.NO.

SÁPMI: Dán vahkus ovdanbuktojuvvui Finnmárkku Dearvvašvuođa 2-jahkásaš dulkaprošeavtta bohtosat.

Salangen-Nyheter
Nye Salangen-Nyheter AS

Publisert:

ANNONSE
Annonse

Prošeakta čájeha ahte gávdnojit sihke buorit ja sihkkaris teknihkalaš čovdosat gáiddusdulkoma várás neahta, video ja jiena bokte ja dat rávve ahte bálvalus huksejuvvo dađistaga birrajándor doaibman golmma viđa jagi siste. Nationála dulkabálvalus lea okta máŋgga dehálaš doaibmabijuin go galgá joksat dásseárvosaš dearvvašvuođabálvalusa sámi buhcciide, oaivvilda sámediggeráđđi Ellinor Marita Jåma.

Geavahit iežas giela

- Dás lea sáhka árvvusatnimis olbmo giela ja kultuvrra, ja dás lea sáhka das ahte beassat geavahit iežas giela go lea oktavuohta dikšo- ja fuolahusdoaimmain. Ja dalle mun vuorddán ahte ráđđehus dál árjjalaččat váikkuha ahte dulkaprošeakta Finnmárkkus viiddiduvvo nationála bálvalussan buot sápmelaččaide, dadjá Jåma. Vaikke vel sámi buhcciin lea ge vuoigatvuohta beassat geavahit sámegiela go lea oktavuohta dearvvašvuođabargiiguin, de leat uhccán dearvvašvuođaásahusat main leat dulkkat fidnemis. - Digitála dulkabálvalus ii duste buot hástalusaid, muhto lea rivttes lávki dásseárvosaš dearvvašvuođabálvalusa joksamis, deattuha Jåma. Finnmárkku Dearvvašvuođa dulkaprošeakta lea Finnmárkku Dearvvašvuođa, Sámedikki ja Nasjonalt Senter for samhandling og telemedisin gaskasaš ovttasbargu.

Nie čuoddju Sámediggi.nos.