Salangen-Nyheter

Elvelund Camping:

Háliida stuoridit

VUOTNASIIDA: Lea olu mii dahpahuva Elvelund Campingas. – Lea guhkes geaidnu dasa go min plánat leat ollašuvvan, lohka eaiggát campingas Tor Arne Cruickshank.

Salangen-Nyheter
Nye Salangen-Nyheter AS

Publisert:

ANNONSE
Annonse

Elvelund Campinga gávnnat Siellat-joga joganjálmmi guoras. Dan rájes go rahppui 1989 lea stuoriduvvon guktii. Maŋemuš lei 2005as go ráhkaduvvo 40 vovdnasaji. Dál Cruickshank háliida stuoridit vel oktii.  Otne leat Elvelund Campingas 70 vovdnasajit, 2 barta, 6 lanja ja tealtásajit. Dál leat plánat hukset vel 9 barta. – Lea leamaš stuora jearru bartaláigudeamis ja go mis leat dušše 2 barta maid sáhttá láigudit de lea doaivva ahte dát sáhttá šaddat hui buorre, lohka Cruickshank.

Go dušše huksenplánat leat garvvis meannuduvvon resursalávdegottis de Cruickshank beassá diehtit oačču go son lobi álgit rahkadit heiveheaddjiplána. – Lea vel guhkes áigi dasa bartat leat sajis vaikko oaččut huksenlobi, muhto mii doaivut ahte lea dárbu eambbo barttaide ja beroštupmi, nu ahte sávvamis oaččut lobi. De sáhttit plánet viidáset, loahpaha son.