– Jurdda lea ahte dát šilju galgá leahkit šilju gos sáhtát geahččalit golfa speallat ja it dárbbaš nu gohččoduvvon “ruonákoarta”, čállá Tor Lyngmo Fjellkysten neahttasiidui. Golf-šilju ii leat áibbas válmmas. – Boahtá mannat máŋga jagi ovdal go lea gárvvis, muhto mis leat leamaš muhtin márkanolbmot geat leat geahččalan šilju, muitala son neahttaáviisii.

Ii gilvu

– Dán rádjai leat dušše njeallje ráiggi mat leat gergosat, ja ii leat jurdda ahte dát Golf-šilju galgá gilvalit dáinna šiljuin mii lea vuolle-Beardus. Sávvamis sáhttá dát šilju báissa loktet beroštumi golf- spellui ja dainna lágiin oažžut eambbosiid geavahit dan šilju mii lea Beardus maid, čállá Lyngmo viidáset. Son maid muitala ahte soaitá šaddat sihke dollabáiki, goavdi ja beaŋkat duos dása. – Mii illudit joatkagii, loahpaha Lyngmo neahttaáviisii.