Ođđa skuvlafálaldat
VUOTNASIIDA: Háliidat go don gelddolaš ja boahtteáigásaš bárggu? Háliidat go ahte du bargobeaivi gálga leahkit veaháš earalágan? Guolástus- ja mearradoalloealáhus lea internašunála suorgi mii stuorru jođánit, ja gos leat ollu bargovejolašvuođat, guollebiebmamis gitta dutkiidbárgui.
Publisert: 25.01.2013 kl 00:00
Muhto go leat nuoraidskuvlas de sáhttá leahkit váttis diehtit mainna áiggot bargát go šattat rávisolmmoš. Geahččal jurddašit válljet bargu mii du mielas lea somá, seammás go leat skuvla vázzime ja oahpa gazzame. Čakčat 2013is álggahuvvo ođđa fálaldat Sážžá Joatkkaskuvlas, Gibostad-nammasaš skuvlabáikis, VG2 Akvakultuvras. Fálaldat lea álggahuvvon lagas ovttasbargguin ealáhusain ja dainna lágiin nannet fágaoahpahusa Matta-Romssas. Vaikko oahpahus ii álggahuvvo ovdal čakčat de sáhtát dál jo ohccát skuvlasaji.
Oahppit leat olu olgun ja teoriija ja praktihkalaš bargu čatnoba oktii. Oasit skuvlajagis oahppit leat bárggus fitnodagain vai oččot buoret dovddu mearradoalloealáhussii ja vai bargovejolašvuođat lassánit. - Hirbmat miellagiddevaš vejolašvuohta mas lea čuvges boahtteáigi, lohkka Leif-Peder Jørgensen, prošeaktajođiheaddji Sážžá ja Davvi-Romssa joatkkaskuvlas. Dán regiovdnii dát addá stuora vejolašvuođaid, ja sihke Salaks AS, Kleiva Fiskefarm ja Gratangslaks leat hui positiiva ođđa fálaldahkii ja sávvet fidnooahppit bures boahtin.
