Salangen-Nyheter

Kultureahket Lauvhállas:

Oaččui kulturbálká

Kulturbálká 2013 vuoiti Viggo Antonsen ja sátnejođiheaddji Erling Bratsberg. GOVVA: RONNY ANDRÉ LØKKEN

DEANNJA: Duorastaga eahkeda lágiduvvui kultureahket Lauvhállas Deanjás ja sátnejođiheaddji Loabágis, Erling Bratsberg jugii dán jagaš kulturbálká.

Salangen-Nyheter
Nye Salangen-Nyheter AS

Publisert:

ANNONSE
Annonse

Loabága suohkan lea 1990 rájes juohkán kulturbálká oktan Seastinbáŋku 1ain, earát go 2002 go bálká ii juhkkon. Dán jagi lei fas áigi juohkit bálká ja sátnejođiheaddji Erling Bratsberg jugii duorastaga bálká Lauvhállas. Bálká juhkkojuvvui dán jagi kultureahkeda mii lágiduvvui bargojoavkus Kultuvrralaš vázzinsoabbi Loabága ja Siellaga ovddas. Eahkeda prográmmas lei sihke suohttasat, lávlun, musihka ja dánsun, oktan bálkájuohkimin.

LIF jođiheaddji vuoiti

Bratsberg muitala ahte dán jagaš kulturbálkávuoiti lea bargan iešguđetlágan jagiid mielde ja lea leamaš stivramiellahttu sihke skuvlamusihka ja LIF (Lavangen Idrettsforening=) ovddas. Guoskevaš lea geavahan olu iežas astoáiggis eaktodáhtolaš bargguin LIF ovddas. Guokte jagi bottoš eret LIF:s ja guoskevaš bođi fas ruovttoluotta jođiheaddjin. Lea hupmu olbmo birra gii lea leamaš jođihanfápmun kultuvra bealis suohkanis ja gii lea čájehan iežas jođihan attáldagaid jođiheaddjin Ruŋgogáisá birra. Loahpas almmostahttá Bratsberg ahte vuoiti kulturbálkás 2013 lea Viggo Antonsen.

Lea ieš juohkán bálká

Viggo ieš lea hirpmástuvvon. Son lea ieš čohkkan kulturlávdegottis guokte áigodagaid ja lei jođiheaddji nuppi áigodagas. Dat mearkkaša ahte Antonsen ieš lea juohkán bálká njeallje jagi ja su mielas lea ártet dál leahkit nuppi bealde ja oaččut bálká. Iežas giitosártnis Antonsen rámida valáštallamis ja kultureallimis suohkanis. – Mii fertet ráhččat ja bargat ovttas oktasaš mihttu guvlui, lohka Antonsen kulturbarggu birra suohkanis. Loahpas son giitá su gii lea evttohan su vuoitin, ovdagotti ja bearraša gii lea diktan su bargat eaktodáhtolaš bargguin.

Buorre dovdu  

Antonsen lea duhtavaš ja giitevaš ávvira ovddas. – Dát lea mearkkašupmi ahte suohkan rámida eaktodáhtolaš barggu, ja mu mielas lea somá ahte mun ja mu bargu rámiduvvo, lohka vuoiti. – Loabát lea čeahppi álbmogassii ja mun sávan ahte eaktodáhtolaš bargu sáhttá jotkojuvvot maiddai boahtteáiggis, loahpaha son. Lassin bálkái Antonsen oaččui lieđit, lihtti mas lea suohkana mearka ja ruhttávuoiti 3.000 ruvnnos maid Seastinbáŋku 1 lea skeŋken.