Salangen-Nyheter

Ođđa virgi álggahuvvon Loabágis:

Ohcet psykiatriija bargi

Loabága suohkan ohca olbmo mas lea rivttes gelbbolašvuohta bargat gárrenvuođain ja psykiatriijain. GOVVA: BYRÅ

DEANNJA: Loabága suohkan ohcet daid beivviid heivvolaš olbmo mas lea gelbbolašvuohta bargat gárrenvuođain ja psykiatriijain. Dát lea ođđa ja ollesáigásaš virgi mii lea áiddo álggahuvvon.

Salangen-Nyheter
Nye Salangen-Nyheter AS

Publisert:

Dát virgi lea áiddo álggahuvvon ja dál Loabága suohkan ohcalit olbmo mas lea rivttes gelbbolašvuohta virgáidit dán virggi. Lea ollesáigásaš virgi ja bárgu dahkku lagas ovttasbargguin suohkandoaktáriin dearvvašvuođaguovddážis Deanjás. Son gii galgá bargat dan bárggu boahtá maiddai fertet ovttasbargat muđui suohkana dearvvašvuođa bargiin, čállá suohkan iežas neahttasiiddus.

Váldobarggut

Virggi váldoovddasvástádus boahtá leahkit bargat geavaheddjiin, oassálastit plánenbargguin, doarjut fágaidgaskasaš ovttasbargguin ja geavaheaddjit gaskkas. Son maid galgá leahkit mielde nannet gelbbolašvuođa ja fálaldagaid geavaheddjiide, ja maiddai muđui bargat bargguin maid hoavda gáibida.

Gáibádusat ohcamii

Virgái gáibiduvvo ahte leat almmolaččat dohkkehuvvon buohccedivššárin, dahje eará allaskuvlaoahppu mii lea čuožžovaš. Dasa lassin lea stuora ovdamunni jus lea liige oahppu gárrenvuođa ja psykiatriija siskkobealde. Son gii ohca ferte leahkit máškit, ja ferte leahkit čeahppi gulahallat ja ovttasbargat. Čehpodat čálalaččat ja njálmmálaččat maid lea ovdamunni virgái. Suohkan sáhttá fállat buori eavttuid rivttes olbmui. Buorre bargobiras ja hástalusat fágalaččat lea maid juoga mii čuovvu virggi. Jus háliidat geahččat almmuhusa ollislaččat de gávnnat dan dás.