Salangen-Nyheter

Márkomeannu 2013:

Prográmma gárvvis

Katarina Barruk boahtá dán jagaš Márkomeannu festiválii ja lea okta dain golbma artisttain geat álmmuhuvvo dál go prográmma lea válmmas. GOVVA: MARKOMEANNU.NO

EVENÁŠŠI: Gaskavahkku 29.beaivve miessemánus lei viimmat dán jagaš Márkomeannu-prográmma gárvvis ja almmuhuvvui. Golbma vel artista leat gergosat čuojahit dán jagaš festiválas: ÁRA, Katarina Barruk ja Yoik.it ovttas Stålkain ja Gaelokain.

Salangen-Nyheter
Nye Salangen-Nyheter AS

Publisert:

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse

Dát golbma artista mat dál almmuhuvvo ahte galget leahkit mielde dán jagaš Márkomeannu festiválas, ollista prográmma gos artistat nu go Mari Boine, Sameblod, Niko Valkeapää ja Sančuari jo leat gergosat.

Gávdnan balanssa

Festivála lágiduvvo dán jagi 14.háve ja festivála jođiheaddji Runar Myrnes Balto lohka iežas duhtavaš dán jagaš prográmmain. – Daiguin ođđa namaiguin prográmmas mii dovdat mii oktii vel fállat boahtteáigásaš sámi line-up mii ovddida ođđa artisttaid seammás go mii ávvudit stuorra ja nanus sámi artisttaid. Lean hui duhtavaš ahte leat vel oktii gávdnan dan balanssa, son lohka neahttaáviisii.

Giellajáhkki

Riikkalaš giellajagi oktavuođas lea Márkomeanus sierra deaddu sámi máŋggagielatvuhtii, juoga mii oidno sihke artistabealis, festivála kurssain ja dieđusge nai festivála gulahallanbarggus. - Sámegiella lea álo guovddážis mis, muhto dán jagi mii vuoruhit nai earenoamážit upmisámegiela, julevsámegiela ja máttasámegiela, čilge Myrnes Balto loahpas. Márkomeannu 2013 lágiduvvo suoidnemánu 25.–27.beivviid.